Kaiwhakahaere Rangahau

He kōrero mō mātou:
Nō te tau 2016 whakatūria ai Te Mātāwai hei hinonga motuhake ā-ture. Ko tāna mahi he whakaū ake i ngā hiahia o ngāi Māori i roto i ngā mahi whakarauora i te reo Māori. He pānga nui tō Te Mātāwai i ngā mahi whakarauora reo, arā, Kia ūkaipō anō te reo Māori.
He mahi nui hoki tā Te Mātāwai i ngā mahi a te Karauna ki te whakaū i te hanga e kīia nei, Te Whare o Te Reo Mauriora. He tauira e tohu ana i te mahi ngātahi a te Karauna me te iwi Māori ki te whakaoreore me te whakapakari ake i ngā putanga reo Māori mō ngā whānau, ngā hapū, ngā iwi, ngā hapori Māori, tae noa ki te pāpori whānui i runga i te whāinga Kia mauri ora te reo.
He auaha te anga wāhi mahi a Te Mātāwai i āna mahi ki te kōkiri i tētahi rautaki whai taunakitanga. E whai ana mātou ki te whakatipu i te raukaha puta noa i te ao whakarauora i te reo Māori mā roto i ngā tūhononga, ngā whiwhinga rawa me te whakaāhei i ngā hapori.
E rapu ana mātou i tētahi Kaiwhakahaere Rangahau kia hono mai ki te rōpū hautū hei ārahi, hei whakahaere hoki i ngā kawenga rangakura a Te Mātāwai. Ko tāu hoki he whakawhakanake, he whakahaere, he whakatutuki i Te Takanga Rangahau a Te Mātāwai.

Te tūranga:
I tēnei tūranga hiamo, ko tāu mahi he waihanga, he tiaki i ngā tūhononga maha o roto, o waho hoki i Te Mātāwai, ā, e angitu ai koe i tēnei tūranga, me kite hoki te kanohi huri noa i te motu. Anei ngā tūmahi e whai nei:

• He waihanga me te whakaū i te hōtaka raraunga me te hōtaka aroturuki, arotake hoki;
• He tuku i ō tohutohu mahi, i ō tirohanga me ō pūkenga āwhina ki te Tumu Whakarae me te Poari Matua;
• He tuari i ngā tirohanga me ngā raraunga wheako rangahau, arotake hoki ki ngā Pae Motuhake me Te Whare o te Reo Mauriora hei tautoko i ngā mahere haumitanga me ngā kaupapa whakarauora reo;
• He waihanga, he tiaki i tētahi puna mātauranga e pā ana ki te whakarauoratanga o te reo Māori; he arotake, he whakahou hoki i te pou tarāwaho rangahau me te rautaki i runga i te tutukitanga o ngā kaupapa rangahau me te aranga mai anō o ngā hiahia hou;
• He whakahaere i tētahi rōpū ngaio iti e remurere nei ki ngā mahi rangahau, tirohanga hoki.

He kōrero mōu ake:
E angitu ai koe i tēnei tūranga:

• Me ngākau remurere ki te whakarauora i te reo Māori, me kaha tautoko i ngā tūmahi reo Māori hoki;
• Kia whai tohu mātauranga e hāngai ana, ko te painga atu tēnā;
• Me mātau ki te reo Māori me te reo Ingarihi;
• He pūkenga ōu i ngā mahi kāwanatanga me te rāngai tūmatanui e pā ana ki te whakahaere, te hautū me te whakaū i ngā kaupapa/ratonga rangahau, arotake hoki;
• He hōhonu tō puna wheako i ngā take raraunga, whakamahere mapi me te tātari pārongo;
• He kaha ō pūkenga whakahaere kaupapa, he mōhio ki te hanga rautaki, hanga mahere me te rāpoi i ngā rawa hei whakatutuki i ngā whāinga kua whakaaetia. He mōhio ki te ine, ki te tuku pūrongo mō ngā kaunekenga hāngai pū ki ngā putanga kua whakaaetia;
• He mōhiotanga ōu, he mārama hoki koe ki te whakaū i ngā tikanga tātari, rangahau hoki hei whakatutuki i ngā whāinga kua whakaaetia;
• He wheako ōu i ngā ratonga whiwhinga utu hei whakatutuki i ngā whāinga rangahau, aroturuki, arotake hoki;
• Me kaha ō pūkenga whakamōhiohio (ā-tuhi, ā-waha), tū kaiwhakahaere, tūhoa mahi anō hoki;
• Ka pārekareka ki a koe te mahi ā-rōpū i ngā taumata teitei, me te mahi ngātahi hoki kia puta ake ngā hua;
• He kanohi kitea i te ao Māori;
• He wheako mahi tahi me ngā whānau, ngā hapū, ngā iwi, ngā whakahaere Māori me ngā hapori Māori;
• Me mārama ki ngā tukanga kāwanatanga, rāngai tūmatanui hoki. Me mārama ki ngā tikanga me ngā kawenga a te kāwanatanga i āna mahi wawao, hei tauira, ko ngā take wawao a te kāwanatanga, ko ngā kawenga wawao e wātea ana me ngā huarahi rerekē i ngā mahi wawao a te kāwanatanga;
• Me mataara ki ngā take tōrangapū, me hāneanea hoki te kōkiri i ngā mahi i ēnei momo horopaki;
• Me pārekareka ki te mahi tahi kia puta ake ngā hua;
• Me mārama ki ngā tikanga Māori me ngā mātāpono o Te Tiriti o Waitangi;
• Me mātau ki te whakamahi i Microsoft Office 365 suite.

Ka whakawhiwhia hoki ki a koe:
Ka whai kiko tō noho mai, ā, ka tautokotia koe i tēnei rōpū pārekareka, mahi tahi hoki. Ehara i te mea ka whai hua noa iho ko āu mahi, ka tautokotia tō hauora me āu ake kaupapa whakapūkenga. whakapakari i a koe anō mā ētahi āheinga ako, mā ētahi utu tāpui, mā ētahi rā matangaro motuhake, aha atu.

Me pēhea te tono:
Mō ētahi atu pārongo me ngākōiriiri o te tūranga, mēnā e hiahia ana rānei koe ki te kōrero mō tēnei tūranga, tēnā whakapā mai ki a Shane Mackay ki H2R Consulting, 04 499 9471 me TONO INĀIANEI me tētahi reta uhi, tātai pūmanawa hoki mā te whārangi Seek!