Description
Mō tēnei tūranga mahi | About this role
Te Pua Wānanga ki te Ao
He Pūkenga
Kei ngā matanga reo o te motu, anei te reo whakahei o Te Pua Wānanga ki te Ao, otirā, Te Whare Wānanga o Waikato kia aronui mai koutou ki tēnei tūranga whakaako i tō tātou reo tapu, tūāuriuri, whāioio. He karanga tēnei ki te hunga e pīkoko ana, e ngākaunui ana, e manawawera ana ki te whakaako i tō tātou reo rangatira, ka mutu, te mahi ngātahi, ā rōpū hoki. Otirā, te nanao i ngā kaupapa reo Māori- tonoa mai.
Ko ngā tohu matua kua whakawhiwhia kētia e te kaitono, ko ngā pukenga/wheako kei tō kete hoki hei Pūkenga:
- Ki te riro i te tangata tōtika me whai tohu pae rua reo Māori, kua tata mutu rānei.
- Me matatau ki Te Reo Māori me Ngā Tikanga Māori, ka mutu, me whai pūkenga, tohu whakaako, wheakotanga hoki ki te whakaako i tō tātou reo rangatira ahakoa te taumata.
- Me mōhio pai ki te kukume tauira mā te whakaako i ngā huarahi whakararata, auaha hoki.
Ahakoa kei Kirikiriroa ēnei tūranga me ahei ki te tautoko i te hunga kaiako mai, tauira mai ki tō mātou akoranga ki Tauranga.
I kō atu i ēnā, me mārama pai ki te ao rangahau; te tono pūtea rangahau, te āta whakarite hōtaka rangahau reo Māori anō hoki.
Ka rite te taumata utu ki tō te matatau o te kaitono ki ana pūkenga, mātauranga, wheako hoki e ai ki te tūnga kua tonoa e ia.
Mā te Pūkenga: $84,337 ki te $100,551 ia tau.
Tirohia ngā hononga kia pānuitia ngā āhuatanga mahi mō te tūnga Pūkenga.
Whakapā mai ki a Ahorangi Tūhono, Sophie Nock īmēra: sophie.nock@waikato.ac.nz
Rā aukati: Ka kati ngā tono hei te Paraire 17 o Mei (ki Aotearoa)
Te Tūranga Mahi: He Pūkenga
E herea ana te Whare Wānanga ki te kaupapa kia whakaratohia te mea angitū ōrite ki ngā tāngata katoa.
Rā aukati: Ka kati ngā tono hei te Paraire 17 o Mei (ki Aotearoa)
Te Tūranga Mahi: He Pūkenga